Quantcast
Channel: SAT - Sennacieca Asocio Tutmonda
Viewing all 3330 articles
Browse latest View live
↧

Enzensberger : First things first

September 21, 2014, 11:38 am
$
0
0

Rado (horloĝomarko)



Hans Magnus Enzensberger
FIRST THINGS FIRST

Principe ni ne multe obĵetas kontraŭ
la inferfajron, la reenkarniĝon, la paradizon.
Se devas esti, bonvolu !
Sed ĝis tiam ni havos aliajn prioritatojn.

Pri la katnecesejo, la aktualan konton
kaj la nereteneblajn statojn de la mondo
ni nepre devas zorgi nin,
eĉ ne pensante pri la interreto
kaj la indikoj pri la akvonivelo.

Kelkfoje ni ne plu scias
kion fari unue
pro la multaj problemoj.
Ĉiam iu mortas,
ĉiam iu estas naskata.

Jen apenaŭ plu eblas cerbumi
pri la propra senmorteco.
Unue rapida rigardo
en la terminkalendaron,

kaj poste la alia.

trad. Cezar


PS :First things first = La unua unue
↧
Search

Enzensberger-kolekto ĉe Cezar

September 21, 2014, 12:00 pm
↧
↧

Enzensberger-kolekto ĉe Cezar

September 21, 2014, 12:17 pm
↧

Fried-kolekto ĉe Cezar

September 21, 2014, 12:21 pm
↧

Büchner : Ĉe la kapitano (el teatraĵo "Voĵcek")

September 21, 2014, 3:11 pm
$
0
0

Büchner: Vojcek (ĉe la kapitano)

Georg Büchner
Vojcek

Ĉe la kapitano

Kapitano sidanta sur seĝo ; Vojcek razas lin.

KAPITANO. Malrapidu. Vojcek, malrapidu ; paŝon post paŝo ! Li tute kapturnigas min. Kion mi poste komencu per la dek minutoj, kiujn li hodiaŭ tro frue finus la razadon ? Vojcek, notu bone : Vi ankoraŭ devos vivi dum tridek belaj pluaj jaroj, tridek jarojn ! Tio estas tricent sesdek monatoj ! Kaj tagojn ! Horojn ! Minutojn ! Kion li do komencu per la multega tempo ! Partigu ĝin, Vojcek !

VOJCEK. Jes ja, sinjoro kapitano.

KAPITANO. Mi tute ektimas pri la mondo, se mi pensas pri la eterneco. Okupo necesas, Vojcek, okupo necesas ! Eterne : tio estas eterna, tio estas eterna – tion vi ja konsentas ; sed aliaflanke estas ja ne eterne, kaj tio estas momento, ja momento – Vojcek, ĝi harhirtigas min, se mi pensas, ke la mondo turniĝas dum unu tago ! Kia tempodisipo ! Kien celas tio ? Vojcek, mi ne plu povas vidi muelilradon sen fariĝi melankolia.

VOJCEK Jes ja, sinjoro kapitano.

KAPITANO. Vojcek, li aspektas ĉiam tiom ĉasate ! Bona homo ne faras tion, bona homo, kiu havas sian bonan konscion. Do, parolu iom, Vojcek ! Kia vetero estas hodiaŭ ?

VOJCEK. Terura, sinjoro kapitano, terura : vento !

KAPITANO. Mi jam sentas, jen tiom rapidas ekstere ; tia vento havas al mi efikon kiel muso. (ruze) Mi supozas, ke ni havas ion el sud-nordo, ĉu ?
VOJCEK. Jes ja, sinjoro kapitano.

KAPITANO. Ha ! ha ! ha ! Sud-nordo ! Ha ! ha ! ha ! Ho, vi estas stulta, tute abomeninde stulta ! — (kortuŝite) Vojcek, vi estas homo bona — sed (kun digno) : Vojcek, vi ne havas moralon ! Moralo, tio estas, se oni estas morala, ĉu vi komprenas ? Ĝi estas bona vorto. Vi havas infanon sen la beno de la eklezio, kiel nia alte estimata garnizona predikisto diras — sen la beno de la eklezio, ĝi ne estas de mi.

VOJCEK. Sinjoro kapitano, la kara Dio ne rigardos la povran bebon pro tio, ĉu la amen estas dirita super la bebo antaŭ ol ĝi estu farita. La Sinjoro diris : Lasu la infanojn, kaj ne malhelpu ilin, veni al mi.

KAPITANO. Kion li diras ? Kia kurioza respondo ! Li tute konfuzigas min per sia respondo : Se mi diras : li, jen mi celas vin, vin — .

VOJCEK. Ni, la povraj homoj — . pripensu, sinjoro kapitano : monon, monon ! Kiu ne havas monon — .jen foje provu havi moralon en la mondo kiel povrulo ! Tamen mi sentas mian karnon kaj sangon. Tiaj, kiaj ni estas ja ĉiam malbenitaj kaj en tiu ĉi mondo kaj en la alia. Mi pensas, ke tiukaze, se ni estos akceptitaj en la ĉielo, ni devos helpi tondri.

KAPITANO. Vojcek, vi ne havas virton ! Vi ne estas virta homo ! Karnon kaj sangon, ĉu ? Se mi apogas min sur la fenestrobreton, kiam pluvis, kaj postrigardas la blankajn ŝtrumpojn, kiel ili saltas tra la stratetoj - damne, Vojcek, jen min ekscitas la amo. Ankaŭ mi havas karnon kaj sangon. Sed, Vojcek, la virto ! La virto ! Kiel mi tiukaze pasigu la tempon ? Mi ĉiam diras al mi, ke mi estas virta homo — (kortuŝite) — , bona homo, bona homo.

VOJCEK. Jes ja, sinjoro kapitano, la virto — mi ankoraŭ ne tute komprenis, pripensu, ni, la simplaj homoj, ne havas virton, ekscitas nin nur la naturo ; se mi estus nobla sinjoro kaj havus ĉapelon kaj horloĝon kaj frakon laŭ anglo kaj povus paroli noble, jen mi ja volus esti virta. Devas esti io bela ĉirkaŭ la virto, sinjoro kapitano. Sed mi estas povra ulo !

KAPITANO. En ordo, Vojcek. Vi estas bona homo, bona homo. Sed vi pensas tro multe, tio magrigas ; vi aspektas ĉiam tiom pelĉasate. — La diskurso elĉerpe lacigis min, foiru nun kaj ne tiom rapidu ; malrapidu, laŭorde malrapide promenu tra la strato malsupren !

El teatraĵo „Vojcek“
tradukis Donjo & Cezar


↧
↧

Pikemaj aforismoj el Sovetunio

September 22, 2014, 2:04 am
$
0
0



Mi ne mensogas kiel aliaj, mi disponas pri pluraj variaĵoj de la vero. B. Bishev

Ĉio pasas, sed io tamen restas. A. Davidoviĉ

Fine li trovis sin mem, sed ne plu rekoneblis. M. Frenkel

Ankaŭ persistemo lastfine estas nur efemera afero. M.Miŝhin

Kiom la sorto lin dorlotis ! Dum lia tuta vivo li rajtis decidi sin por la pli malgranda malbonaĵo. B.Brajnin

La kapablo pensi diferencigas la homon ne unuavice de la simioj, sed homojn de homoj. W. Ĥotĉinski

Nur streĉu vian memoron, vi ĉiam trovos ion, kion vi rapide volas forgesi. O.Popov

El Erraroj ohni lerhnas ! L. Krainov

Plej multekosta por ni estas tio, kion ni tute ne bezonis. L.Leonidov

Ne sufiĉas iri tra kudrilotrueto, oni ankaŭ devas povi pruvi, ke oni estas kamelo. G.Aronov

Li povis fari du aferojn samtempe : diri tion kaj fari alian. W.Dubinski

Ĉiuj estas samaj, nur la monumentoj estas diversaj. I. Kaniŝaj

La spirito venkas hurdon post hurdo, sed la stulteco ne konas obstaklojn. W.Lebededev

Labordivido : Mi pensas ke LI ekzistas. A.Ras

Ne skribu kiel geniulo ! Ĉu vi eble estas pli bona ol la aliaj ? O.Popov

Kelkaj aferoj estas al ni tro karaj, aliaj nur ne pageblaj. I.Ivanov

Kelkaj homoj povus fari multon el sia vivo, se ili ne estus tiom praktikaj. G. Mitĉev

Se vi faras karieron, vizitu min poste. W.Turenko

Kelkaj laboras en la sfero de la produktado, aliaj trovis okupon en la konsumado. I.Ivanov

La nekrologo estas la sola ĝenro, en kiu la problemo de la pozitiva heroo estas komplete solvita. A. Kryŝanovski

Pro strangaj kaŭzoj trafas nin ĉiam tio, kion ni jam delonge atendis. L. Leonidv

Kiom ofte ni petas, se ni devus postuli, kaj postulas, se ni devus peti. A.Ras

Plej oportune estas, se oni portas sian krucon sur la dorso de alia. J.Jablonski

Sukcesanonco : En la dua jarkvarono la fabriko por la konstruado de pezaj maŝinoj en sia konsumprodukta programo produktis 3000 halterojn. Tio estas 300 da halteroj pli ol efektive. I.Ivanov

Post farita laboro estas bone ripozi. Sisifo. W.Koletĉizki

Kiu havas nomon, povas rezigni pri titolo. A.Ras

La malhelaj okulvitroj gardas la okulojn, sed la roze ruĝaj la sanon. I Kortnev

Antaŭ ol vi pruntedonas al amiko monon, pripensu kio pli gravas. W. Devjaty

Estas tri prognozoj : ĝustaj, malĝustaj kaj sciencaj. G.Ubekov

Ĉiu el liaj libroj estis atentofrapa – por la parodiistoj. A.Kryŝanovski

Ne havas sencon post iuj esceptoj ankoraŭ serĉi regulojn. B.Zwetanov

Feraj reguloj havas ferajn esceptojn. I.Jablonski

La scienco eltrovis, ke ni plej ofte iras en magazenojn, se ni volas aĉeti ion. S.Skotnikov

Simple esti homo ne sufiĉas. „Nia“ homo oni devas fariĝi. M.Waisberg

Ili baldaŭ trovis komunan lingvon – ili uzis la samajn vantajn frazaĉaojn. I.Ivanov

Se jam malvastkore, tiukaze tute ! S.Skotnikov

Homoj, kiuj ne lernis ion, kapablas al ĉio. W.Stefanov

En la komenco estis la vorto, kaj poste... vortoj, vortoj, vortoj... W. Maan

Maljustecon mi ne povas elteni – tial mi prefere fermas la okulojn, se mi vidas tian. A.Ras.

Tradukis Cezar


↧

Prevert : Por vi, amatino

September 22, 2014, 2:17 am
↧

Raporto pri la kunsidoj de la Liberecana Frakcio en Dinano, Francujo, 2014

September 22, 2014, 6:25 am
$
0
0

La 12-an kaj la 15-an de Aŭgusto 2014 okazis la kunsidoj de la Liberecana Frakcio de SAT en Dinano, Francujo. Partoprenis la unuan kunsidon 18 homoj, kaj la duan, 15.

Unua kunsido

Post prezentiĝo de la ĉeestintoj, jenaj punktoj estis pritraktitaj dum la unua kunsido :

  • Kio pasintjare okazis rilate al la Liberecana Frakcio, i.a. dum la kongreso ?
  • Kion faris la Liberecana Frakcio de tiam ?

Kani diris, ke ĉi-jare la LF ne multe aktivis. Li reliefigis la gravon de la dissendolisto : ĉiuj rajtas aliĝi kaj ĝi ebligas kolektivan agadon. Ekzemple, antaŭ 2 jaroj la LF pretigis, pere de la dissendolisto, flugfolion disdonotan dum la Internaciaj Anarkiismaj Renkontiĝoj en Sant-Imjero, Svisujo.

Pasintjare en Madrido ni havis la okazon renkontiĝi kun respondeculoj en la sidejo de la NKL (hispane CNT). Kvankam tiaj sindikatoj favoras Esperanton, tamen ili apenaŭ uzas ĝin. Juliette kaj Sylvie Ternant raportis pri ĉi tiu okazaĵo ĉe Radio Libertaire (la radio de la franca Anarkiisma Federacio). Kani ankaŭ menciis la fakton, ke la resumoj de du altnivelaj anarkiismaj revuoj hispanaj, Estudios kaj Germinal, estas esperantigitaj ĉiunumere. Miguel proponis, ke oni publikigu ĉi tiujn esperantigitajn resumojn en Sennaciulo, en la rubriko de la LF, kaj ankaŭ en ĝia retejo. En la lasta numero de CNT, aperis dosiero pri Bakukino, kiu eble estos esperantigita. Ankaŭ teksto de ukrainaj anarkiistoj pri la situacio en Ukrainujo estis esperantigita dum la jaro.

Dum la jaro, mortis kamarado Pelle Person. Juliette Ternant sin proponis por verki nekrologon pri li.

Miguel rakontis pri la nuntempaj rilatoj de SATeH-anoj kun liberacanoj en Hispanujo. Ili i.a. partoprenas en “La malpia horo” radioelsendo anarkiisma, liberpensula kaj kontraŭklerikala. En ĉi tiu elsendo, ili parolas pri Esperanto kiel io tute normala, kaj informas pri ĝi. Multaj aŭskultantoj el diversaj landoj petis pli da Esperanto. Ĉi tiu elsendo iom famiĝis en ĉi tiuj liberecanaj medioj. Plie, oni petis de SATeH-anoj veni al domokupita domo de Madrido por prezenti Esperanton. Alia grava afero : SATeH baldaŭ aperigos liberecanan krestomation okaze de la datreveno de la morto de Anselmo Lorenzo, “la avo de la hispana anarkiismo”. Krome, baldaŭ aperos libro de hispana doktorino Dolors Marin pri “centjaroj da anarkio en Hispanio”. En ĉi tiu libro estas ĉapitro pri “Anarkiismo kaj la planlingvoj”... Nia movado estas en ĝi analizita laŭ ekstera, universitata nivelo.

Dua kunsido

Jenaj punktoj estis pritraktitaj dum la dua kunsido :

  • Nekrologo pri Pelle Person.
  • Filmo “Ni ne plu vivu kiel sklavoj”.
  • Retejo de la LF.
  • Broŝuro pri Esperanto por liberecanoj.
  • Libro La hundoj soifaj.

Nekrologo kaj aferoj rilataj al la LF.− Kani sciigis, ke dumkongrese verkis Juliette Ternant nekrologon pri Pelle Person, kiu aperos en la rubriko “Liberecana Frakcio” de Sennaciulo. Prie, estis rememorigita la fakto, ke kiam artikolo estas aperigota en nia rubriko, ĝi estu sendita unue al la LF-anoj pere de la dissendolisto, kiuj aprobos, aŭ ne aprobos ĝin. Juliette ankaŭ sciigis, ke nun troviĝas 1488,06 € en la konto de la LF de SAT. Plie, oni insistis pri tio, ke oni en ĉiu numero de Sennaciulo provizu la rubrikon de la LF. Ĉiu povas sendi informojn pri la okazaĵoj en sia lando , laŭ liberecana vidpunkto. Oni vere devas sendi materialon, por ke homoj el aliaj landoj kontaktiĝu kun ni.

Filmo “Ni ne plu vivu kiel sklavoj”. −En 2013 aperis “Ni ne plu vivu kiel sklavoj”, filmo pri la nuntempaj maldekstraj, memmastrumaj kaj anarkiismaj movadoj en Grekujo. En la retejo de la filmo (nevivonspluscommedesesclaves.net) estas menciite, ke unu el la plej petataj lingvoj por traduko de la subtekstoj estas... Esperanto ! Andreo sin proponis por elfrancigi ilin. Poste, estus bone, se alilingvaj kamaradoj povus kompari la esperantigon kun sia propra lingvo. (Ĝisdatigo : Markovo-Vito jam ektradukis).

Retejo de la LF. −Kani proponis, ke ni enretigu la pasintjarajn kaj ĉi-jaran protokolojn. Se ni retrovus la aliajn, ni ankaŭ povus retajpi ilin. Li ankaŭ proponis, ke ni reordigu la diversajn partojn de la retejo, povus esti “Kunsidoj”, “Artikoloj”, “Kio estas la LF ?”, ktp. Ni ankaŭ bezonas pli bonkvalitan version de nia logobildo, la pikanta vespo. Ĵomo sin proponis por SVG-igi la logobildojn, se oni provizos al li sufiĉe bonkvalitajn bildojn. Kani menciis, ke en la bonkvalita versio, la pikilo grandas. GiKo diris, ke kreis la bonkvalitan logobildon kamarado Gilbert Ledon.

Broŝuro pri esperanto. −La ideo jenas : krei dufaldan A4- broŝuron, kiu prezentus Esperanton al liberecanoj. Ĝi reliefigus la ligojn inter Esperanto kaj la anarkiisma movado, kaj prezentu, kiel ĝi nuntempe povas utili al liberecanoj. Pedro insistis pri tio, ke ni reliefigu pri la justo, ne pri la facilo. Aktivulo lernos, kiam li komprenos, ke ĝi estas la plej justa lingvo. LF-anoj ankaŭ diris, ke ni parolu pri la fakto, ke ĝi vere estas ilo por niaj liberecanaj celoj, ke ĝi estas preciza, vivanta, plej aktuala, efika lingvo. Por paroli pri la “kunhistorio” de Esperanto kaj la anarkiisma movado, Ĵomo proponis, ke ni alvoku anarkiistajn E-istojn eksterlandajn, kiuj povus verki kelkajn liniojn kaj tiele doni plej sennaciecan bildon pri ĝi. Aperis interkonsento pri tio, ke ni pri tio faru personajn petojn al niaj gekamaradoj.

Libro La hundoj soifas. − Andreo esperantigis libron de fama kanada anarkiisto Normand' Bajarĵon' (Normand Baillargeon). La titolo estas La Hundoj soifas (franclingve Les chiens ont soif). Temas pri “liberecanaj proponoj ”. Traduk-permeso jam estas petita al la verkisto, kiu ne nur konsentis, sed ege ĝojis pri la propono. Ĝi verŝajne estas eldonota de la LF. Okazis diskuto pri la loko, kie ni presigu ĝin. GiKo diris, ke libro jam estis eldonita de la LF : Interhelpo de Petro Kropotkin. Kiam la libro estis eldonita, okaze de kongreso en San Peterburgo, ni dispartigis multajn ekzempleron. Estas 500 ekzempleroj. 40 iris al Berlino ĉe Volo kaj la stoko nun troviĝas en la hejmo de GiKo.

Por la Liberecana Frakcio de SAT,
Andreo Hoaro
↧
Search

Heine : Lazaro, 1. Kuro de l' mondo

September 22, 2014, 11:05 am
$
0
0
Vivorajto



Heinrich Heine
Lazaro

1.
KURO DE L‘ MONDO

Havas multon iu ul‘,
aldonegon li ricevos.
Se malmulton havas hom‘,
li eĉ tion doni devos.

Se vi estas sen posed‘,
entombiĝu, homo, nulo.
Rajton vivi, vi fripon‘,
havas nur posedo-ulo.


Heinrich Heine
Lazarus

1.
WELTLAUF

Hat man viel, so wird man bald
Noch viel mehr dazu bekommen.
Wer nur wenig hat, dem wird
Auch das Wenige genommen.

Wenn du aber gar nichts hast,
Ach, so lasse dich begraben –
Denn ein Recht zum Leben, Lump,
Haben nur die etwas haben.

↧
↧

Heine : Lazaro 1. Kuro de l' mondo

September 22, 2014, 11:13 am
↧

Bonvenon en Nitro !

September 22, 2014, 11:40 am
$
0
0
PNG - 28.5 kb

Post Dinano (Francio) en 2014, de 08a ĝis 15a de aŭgusto 2015 okazos en Nitro, Slovakio, la 88a SAT-kongreso.

Jam SAT pasinte kongresis en Bratislavo, en 2004, por alia palindrom-numera kongreso, la 77a.

Baldaŭ venos pliaj informoj.

↧

Bonvenon !

September 22, 2014, 11:44 am
↧

0. SAT-kongreso 2015 - Nitro

September 22, 2014, 11:56 am
↧
↧

Pri pasintaj kongresoj

September 22, 2014, 12:22 pm
↧

Kurt Bartsch : Socialisma bidermajro (rimpoemtraduko)

September 23, 2014, 6:53 am
$
0
0


flago GDR

Kurt Bartsch
Socialisma bidermajro

Inter mur'- kaj kontraŭdiroj
ili sidas kun pigrem',
sur du sofoj, por inspiroj,
kaj enmezas la emblem'.

Jen surlipas tezoj flue
jen tapiŝ' por l' necesej'.
Markson ili legis frue,
nun feliĉas jam ĉe te'.

"Kapitalo"-rekompenco
iĝis aŭt' kun ruĝekster'.
Kaj surtablas lunde lensoj,
sed ĉampano je vesper'.

Esti ofenditaj ĉiam
pro kritik' kaj ironi',
sed afabli mem neniam.
Manlabori ? Ne kun mi !

Ĉiam kredi, ja ne pensi,
kun mantelo en la vent'.
Kial plu do konsekvenci
post farita packonsent' ?

Fratoj, ruĝa flag' en hejmoj
el la kuirejoj pendas.
Ele Suno, ene kremoj.
Markson Moric nun pretendas.

tradukis Cezar

Kurt Bartsch
Sozialisischer Biedermaier

Zwischen Wand- und Widersprüchen
machen sie es sich bequem.
Links ein Sofa, rechts ein Sofa,
in der Mitte ein Emblem.

Auf der Lippe ein paar Thesen,
Teppiche auch auf dem Klo.
Früher häufig Marx gelesen.
Aber jetzt auch so schon froh.

Denn das „Kapital“ trägt Zinsen :
Eigenes Auto. Außen rot.
Einmal in der Woche Linsen.
Dafür Sekt zum Abendbrot.

Und sich noch betroffen fühlen
von Kritik und Ironie.
Immer eine Schippe ziehen,
doch zur Schippe greifen nie.

Immer glauben, nur nicht denken
und das Mäntelchen im Wind.
Wozu noch den Kopf verrenken,
wenn wir für den Frieden sind ?

Brüder, seht die rote Fahne
hängt bei uns zur Küche raus.
Außen Sonne, innen Sahne –
nun sieht Marx wie Moritz aus.



Bemerkung : Aus Zwiebelmarkt – Komisches und Satirisches aus drei Jahrzehnten – Gedichte ; Eulenspiegel Verlag 1978, S. 232)

PS : Marks kaj Moric, aludo al la bildostriaj fi-buboj Maks kaj Moric de Wilhelm (Vilhelmo) Busch.




↧
Search

Cezar - poemtradukoj

September 23, 2014, 12:49 pm
↧

G.G.H. La mokema kondukisto (rakonto)

September 23, 2014, 3:31 pm
$
0
0
Mokema kondukisto



G.G.H.
La mokema kondukisto

Fremdulo, kiu kun veturilo haste trarigardis Parizon, demandis la kondukiston : "Kondukisto ! Kiu estas tiu konstruaĵo ?"

"Ĝi estas la Ejfelturo."

"Belege !... Ĉu vi scias, kiom da tempo oni bezonis por konstrui ĝin ?"

"Mi ne scias... tri jarojn eble !"

"Ho ! Jes ! ... En mia lando oni bezonus nur unu jaron !"

Post momento li ankoraŭ demandis : "Kondukisto ! Kio estas tiu konstruaĵo ?"

"Jen la operejo."

"Jes ! Tre bele ! Belege ! ... Ĉu vi scias, kiom da tempo oni bezonis por konstrui ĝin ?"

"Dekdu jarojn !"

"Ho ! Jes ! Nu, en mia lando oni bezonus nur ok monatojn !" Kaj post kelke da tempo li ankoraŭfoje demandis : "Kondukisto ! Kiu estas tiu konstruaĵo ?"

"Jen la urbodomo".

"Grandege ! Belege ! ... Ĉu vi scias, kiom da tempo oni bezonis por ĝin konstrui ?"

"Dek jarojn !"

"Jes ! Nu, en mia lando nur... ses monatoj necesus !"

Kaj ili daŭrigis la veturadon tra la urbego. Fine ili alvenis antaŭ la ĉefpreĝejo.

La fremdulo ekkriis : "Kondukisto ! Kiu estas tiu konstruaĵo ?"

Kaj respondis la kondukisto : "Mi tute ne scias ! Kiam mi pasis tiun ĉi placon hieraŭ vespere, la konstruaĵo ankoraŭ ne staris tie !"

... Kaj ne plu demandis la fremdulo.

PS : El la internacia SAT-legolibro "Ni legu !" detajpis kaj iomete prilaboris Cezar & Donjo





↧
↧

Aforismoj

September 23, 2014, 3:54 pm
↧

Valentina Canzino : Ami (kanto)

September 25, 2014, 10:55 am
$
0
0
NAN: AMI (muziknotoj & teksto)




Valentina Canzino
Ami

Ami estas stari
Mano-en-mane
Antaŭ la vivo
Kune kun vi.
Ami estas manĝi
Ĉe sama tablo
La ĉiutagan panon
Kune kun vi.

Refreno :

Sed vi silentas, ne vidas min
kaj miaj vortoj afliktas vin.
Sed vi silentas, ne vidas min,
ĉar vi ne amas, vi ne amas min.

Ami estas danci
En somera pluvo
Kun nudaj piedoj
Kune kun vi.
Ami estas sperti
Pli feliĉajn tagojn
En malfruaj noktoj
Kune kun vi.

Refreno

Ami estas revi
Aŭdacajn revojn
En trankvilaj tagoj
Kune kun vi.
Ami estas kanti
En ĉiu vespero
Kanti tiun kanton
Kune kun vi.

Refreno


↧

Marko Neŝiĉ : Salut' al vi (packanto)

September 25, 2014, 11:55 am
$
0
0

Salut' al vi


Salut' al vi...

1.
Ĉiutage, ĉiuhore
Per vortoj, per kantoj,
Salutataj estu ĉiuj
Pacaj batalantoĵ !

Refreno :
Salut' al vi ! Salut'
Salut' al vi ! Salut'
El plena kor' !
Je ĉiu hor'
Salut' al vi !

2.
Kiel brila sunradio,
Kiel mara ondo,
Nova sento disvastiĝu
Tra la tuta mondo.

3.
Nova sento disvastiĝu
Tra la tuta mondo.
Tuthomaro estu unu
Familia rondo.

(Refreno...)


La pacovojo

Ne estas vojo al la paco, paco estas la vojo.
(THICH NHAT NANH, monaĥo el Vjetnamo)
↧
Viewing all 3330 articles
Browse latest View live
Search