![JPEG - 18 kb]()
- Segovia
Segovia (prononcu [segovja]), esperante Segovio, estas negranda urbo situanta ĉirkaŭ 100 km norde de Madrido, apud montaro Guadarrama. La urbo havas altecon de 1000 metroj super la marnivelo kaj havas 55.000 loĝantojn. La romia historiisto Tito Livio mencias ĝin kun precize tiun saman nomon, kiel indiĝena (kelt-ibera) fortikaĵo dum la unua jarcento antaŭ Kristo. En la sekva jarcento, jam kiel romia urbo, por provizi ĝin per abunda kaj bona akvo oni konstruis la akvedukton, superban monumenton kiu ankoraŭ staras preskaŭ netuŝita.
En ĝia alkazaro (arab-devena vorto por reĝa kastelo) sidis dum la 15ª jarcento la kortego de la reĝoj de la dinastio Trastamara.
En 1764 inaŭguriĝis la Real Colegio de Artillería (Reĝa Lernejo de Artilerio), la unua militista akademio de Hispanio, kiu ankoraŭ sidejas en la urbo sub la nomo Academia de Artillería (Akademio de Artilerio).
Ekde la jaro 1985 la historia parto de la urbo estas Monda Heredaĵo, laŭ Unesko.
Proksimuma itinero
09:30 - Ekiro el la pordo de la kongresejo per privata buso.
10:45 - Alveno en Segovia.
11:00 - Romia akvedukto ; rigardejo de La Canaleja, de-alta vido de la akvedukto.
![JPEG - 38 kb]()
- Akvedukto
11:30 - Torreón (turego) de Lozoya ; portikoj de la preĝejo San Martín (Sankta Marteno).
12:00 - Juda kvartalo ; antikva sinagogo (nun katolika preĝejo Corpus Christi) ; Plaza (Placo) Mayor ; katedralo.
![JPEG - 24.9 kb]()
- Katedralo
12:30 - Eniro en la Alkazaro-n.
13:30 - Tagmanĝo (ĉu piknike en la ĝardeno apud la Alkazaro, ĉu en apuda restoracio).
![JPEG - 34.8 kb]()
- Alcazaro
16:00 - Trankvila stratumado tra la antikva urboparto.
18:00 - Desupra vido de la murego.
![JPEG - 30.7 kb]()
- Murego
19:00 - Reveno.