De la 4a ĝis la 11a de aŭgusto de 2019, Barcelono iĝos denove (simbole) la fajra rozo. Okazos tie la jara internacia kongreso de Sennacieca Asocio Tutmonda, internacia laborista grupo, kies membroj havas Esperanton kiel komunikan lingvon.
La laborkunsidoj de la malsamaj frakcioj de la asocio (liberecana, komunisma, liberpensula, ekologiisma, ktp.) estas malfermitaj al ĉiuj, sed nur membroj havas voĉdonrajton. Aldone, la programo enhavas koncertojn, prelegojn, prezentojn de libroj... Estos ankaŭ kursoj de diversaj niveloj por lerni kaj praktiki la internacian lingvon, kaj aliaj aktivaĵoj kiel vizito gvidata al Can Masdeu, la projekcio de la filmo Tero kaj Libero subtekstita en Esperanto, aŭ debato kun la kamaradoj de Calúmnia pri la rolo de ĉi tiu lingvo en alternativaj eldonprojektoj.
La kongreso okazos en Martí Codolar, salesiana gastejo, kiu lokiĝas en la kvartalo Horta. Krom lokaj esperantistoj, estas nun aliĝitaj homoj de Britio, Aŭstralio, Brazilo, Kanado, Koreio, Kongolando, Kubo, Finlandio, Francio, Italio, Portugalio, Serbio kaj Svislando.
Oni povas trovi pli da informoj ĉi tie : http://www.satesperanto.org/spip.ph...
Oni povas aliĝi ĉi tie : http://www.satesperanto.org/spip.ph...
Oni povas kontakti nin ĉe : satbarcelono2019@gmail.com
