![JPEG - 42.1 kb]()
- Toledo
La tuttaga ekskurso vizitos Toledon. Temas pri tre interesa historia proksima urbo, iam hispania ĉefurbo, kiu estis iam ĉefurbo kaj de diversaj ŝtatoj (visigota, araba, hispania) kaj de diversaj kulturoj (romianoj, judoj) pro kio interesas partikulare al Esperantistoj supozeble pretaj interesiĝi pri kulturdiverseco.
![JPEG - 43.8 kb]()
- Arabstila pordo
Tiele oni povos kontempli kaj ĝui diversajn monumentojn de tiuj ĉiuj kulturoj, epokoj kaj arkitekturoj, kiaj araba pordego en murego, islamaj moskeoj deekstere, judaj sinagogoj, el kiuj unu estas muzeo pri la judhispana kulturo, katedralo katolika, ktp.
![JPEG - 41.4 kb]()
- Katedralo
Unu el la interesaj detaloj historie estas ke en Toledo estis mezepoka Tradukskolo tra kiu pasis la antikva kulturo el araboj kaj judoj al la kristana Eŭropo. Krome la tuto de la urbo interesas kiel defenda praurbo ĉirkaŭata de rivero Taĥo kaj krutaj deklivoj, scenejo laŭlonge de la historio de multaj bataloj kaj malmultaj konkeroj. Tiurilate rigardu la tre ampleksan kaj prilaboritan artikolon en Vikipedio pri Toledo.
![JPEG - 63.8 kb]()
- Ornamaĵo en la juda sinagogo
Alia kromaĵo estas la figuro de fama pentristo El Greco, nome “La Greko”, alia ekzemplo de transkultureco, nome en la Renesanco, el Kreto al Toledo, kie li loĝis kaj laboris. Oni vizitos kelkajn el ties verkoj.
![JPEG - 78.6 kb]()
- Entombigo de grafo Orgaz (La Greko)
Alia kromaĵo estas ke ĉirkaŭ la Alkazaro okazis somere de 1936 fama batalo pri kiu oni povas studeti ĉe koncerna artikolo en Vikipedio (Sieĝo de la Alkazaro).
![JPEG - 72.1 kb]()
- Alkazaro
Ĉu oni bezonos pliajn kromaĵojn por sopiri tiun memorotan ekskurson ?